«Անապահով գյուղացին այսօր հնարավորություն ունի հենց իր սեփական հողը մշակել եւ գումար վաստակել, այսինքն` նա պետության կողմից օրական 4000 դրամ վարձատրություն է ստանում սեփական հողը մշակելու համար»,- այսպես պատասխանեց աշխատանքի եւ սոցիալական հարցերի նախարար Արտեմ Ասատրյանը Aravot.am-ի այն հարցին, թե գյուղական համայնքներում աջակցող ի՞նչ ծրագիր է գործում: Շարունակելով իր խոսքը՝ նախարարն ասաց, որ այս ծրագրի շահառուները ավելանում են եւ շատ գյուղացիներ, որոնք տասնյակ տարիներով չէին մշակում իրենց սեփական հողը եւ վկայականներն էլ հանձնել էին՝ ետ են վերցրել: «Այս ծրագիրը նպաստում է ե՛ւ չմշակվող հողատարածքների կրճատում, ե՛ւ գյուղում զբաղվածության խնդրի կարգավորում»:
Գյուղացուն աջակցող այս ծրագիրը կոչվում է սեզոյանին զբաղվածություն անունը, որը տեւում է 180 օր, որի համար տրամադրվում է 350 հազար դրամ: Ծրագրից հիմնականում կարող են օգտվել սահմանամերձ, բարձր լեռնային գյուղերի այն բնակիչները, որոնք անապահով են, ունեն հաշմանդամություն ունեցող անձ, կամ անչափահաս երեխաներ:
Անուշ ՄԱԹԵՎՈՍՅԱՆ
