Առողջ ապրելակերպն ու ակտիվ սպորտը քարոզելու լավագույն միջոցը անձնական օրինակն է:
Հայաստանում սպորտային քաղաքականությունը վարող երկու խոշորագույն կառույցները՝ ՀՀ սպորտի եւ երիտասարդության հարցերի նախարարությունն ու Հայաստանի ազգային օլիմպիական կոմիտեն, այսօր խուլ-համրերի տան մարզադահլիճում միմյանց դեմ ելան՝ իրենց հնարավորությունները ստուգելու բասկետբոլում:
Սպորտի պետական կառույցի թիմն առաջնորդում էր նախարար Գաբրիել Ղազարյանը, ՀԱՕԿ-ինը՝ Ազգային օլիմպիական կոմիտեի գլխավոր քարտուղար Հրաչյա Ռոստոմյանը, որոնք երկուսն էլ նախկինում ճանաչված բասկետբոլիստ են եղել ու տարբեր ժամանակներում հանդես են եկել Հայաստանի հավաքականում:
Պայքարը հետաքրքիր ստացվեց, բայց կանոնների հաճախակի խախտումներով, քանի որ երկու թիմերում էլ խաղում էին նաեւ ուժային մարզաձեւերի, մասնավորապես, ըմբշամարտի անցյալում հայտնի մարզիկներ: Չնայած այս դիմակայությունում ՀԱՕԿ-ը 27:22 հաշվով առավելության հասավ, սակայն հաղթող իրականում չեղավ: Ի վերջո, հաղթեցին առողջ ապրելակերպն ու սպորտը:
Կարդացեք նաև
Աշոտ ՀԱԿՈԲՅԱՆ
