«Ավետիսյանների գործով բազմակողմանի քննությունը անհնար էր այն պահից հետո, երբ Պերմյակովը հայտնվեց ռուսական կողմում»,- մայիսի 14-ին «Պոստ սկրիպտում» մամուլի ակումբում լրագրողների հետ հանդիպման ընթացքում ասաց Գյումրիում սպանված Ավետիսյանների ընտանիքի իրավահաջորդների ներկայացուցիչ-փաստաբան Լուսինե Սահակյանը:
Նա նկատեց, որ ապացույցների մի մասը հայկական կողմում է, մյուսը՝ ռուսական: Նրա կարծիքով՝ երկու կողմում էլ գործի քննությունը թերի կլինի. «Իրենց մոտ են գտնվում այն հնարավոր հագուստները, որոնք եղել են նրա հագին, որոնք պետք է տուժողներին ներկայացվի ճանաչման, եւ պետք է հասկանանք, թե արդյոք դրանք այն հագուստնե՞րն են, որոնք այդ բնակարանից են տարվել: Հավանաբար, այն կողմում են գտնվում, մենք այդ գործում չենք ներգրավված, հեռախոսները, որոնք տարվել են Ավետիսյանների բնակարանից, որոնք եւս ապացույցներ են»:
Լուսինե Սահակյանը համարում է, որ վարույթների միացումն ուղղակի անհրաժեշտություն է. «Չպետք է լիներ 2 քրեական գործ, իրավաբանորեն դա աբսուրդ էր: Եթե խոսենք ստեղծված իրավիճակի մասին, ուրեմն՝ այո՛, երկու կողմերն էլ պետք է լուծում գտնեն, որպեսզի վարույթները միացվեն: Համենայն դեպս, գոնե մի վարույթի ապացուցները որեւէ կերպ փոխանցվեն մյուս վարույթին»:
Կարդացեք նաև
Ամի ՉԻՉԱԿՅԱՆ
