ՀՀ կենտրոնական ընտրական հանձնաժողովն այսօր գումարած նիստում էլեկտրոնային վիճակահանությամբ իրականացրել է 2015 թվականի հունիսի 7-ին Կոտայքի մարզի Աբովյան քաղաքային համայնքում կայանալիք համայնքի ղեկավարի արտահերթ ընտրության տեղամասային ընտրական հանձնաժողովների նախագահների և քարտուղարների պաշտոնների բաշխումը` Ազգային ժողովում խմբակցություն ունեցող կուսակցությունների, կուսակցությունների դաշինքի միջև:
Արտահերթ ընտրության համար ձևավորված թվով 26 տեղամասային ընտրական հանձնաժողովների նախագահների և քարտուղարների պաշտոնները բաշխվել են հետևյալ համամասնությամբ`
Հայաստանի Հանրապետական կուսակցություն (ՀՀԿ)` 12-ական,
«Բարգավաճ Հայաստան» կուսակցություն (ԲՀԿ)` 9-ական,
Կարդացեք նաև
Հայ ազգային կոնգրես կուսակցությունների դաշինք (ՀԱԿ)` 2-ական,
«Հայ Յեղափոխական Դաշնակցություն» կուսակցություն (ՀՅԴ)` 1-ական,
«Օրինաց Երկիր» կուսակցություն (ՕԵԿ)` 1-ական,
«Ժառանգություն» կուսակցություն (ԺԿ)` 1-ական:
ՀՀ ԿԸՀ մամուլի ծառայություն
