Երեւանում բացված Եվրոպական բարձրագույն կրթական տարածքի նախարարական գագաթաժողովին մասնակից ԵՊՀ ռեկտորի պաշտոնակատար Արամ Սիմոնյանը լրագրողների հետ զրույցում խոսելով այն մասին, թե որքանո՞վ է Բոլոնյան գործընթացը նպաստել Հայաստանում կրթական որակի բարձրացմանը, ասել է, որ թյուր է տպավորությունը, թե խորհրդային տարիներին կրթության մակարդակն ավելի բարձր էր:
«Մենք շատ ավելի առաջ ենք անցել, ու այստեղ մեծ է Բոլոնյան կրթական համակարգի դերը»,-կարծիք է հայտնել ԵՊՀ ռեկտորի պաշտոնակատարը: Նրա ձեւակերպմամբ, մեր կրթական համակարգն այլեւս դարձել է ավելի ճկուն, այն պահպանել է նաեւ նախկին կրթահամակարգի լավագույն բաղադրիչները: «Կախված իրավիճակից եւ ժամանակից՝ մենք շատ արագ կարողանում ենք տրանսֆորմացիայի ենթարկվել: Ու հենց Բոլոնիայի գործընթացներն են դինամիկ են դարձնում մեր գործընթացները…Մեր բարձրագույն կրթության համակարգն ավելի է մոտեցել հասարակությանը, դարձել է ավելի ընդունելի, թափանցիկ ու վերահսկելի՝ ուսանողների կրթական պահանջմունքներին համահունչ: Ուսանողն այսօր ընտրության հնարավորություն ունի… Սրանք մեծ առավելություններ են , որոնք բացակայում էին Խորհրդային Միության բարձրագույն կրթական համակարգում»,- նշել է ռեկտորի պաշտոնակատարը:
Նաեւ խոստովանել է, որ մեր կրթական համակարգում դեռեւս մի շարք խնդիրներ էլ կան:
Գոհար ՀԱԿՈԲՅԱՆ
ինչու եք ջնջում կամ թաքցնում մեկնաբանությունը…???
ձեզ իրականությունը չի հեռաքրքրում…..????
Մենք չենք հրապարակում անձնական վիրավորանքներ:
կաող եք ասել` որն է անձնական վիրավորանքը,,,
Անձամբ ճանաչում եմ և գիտեմ…
եթե ուզում եք գովեսներ լսել, ապա դա ի նպաստ չէ…
Դուք ցանկանում եք, որ որպես պատասխան՝ ես կրկնե՞մ բոլոր որակավորումները: Կներեք, շարադրեք Ձեր քննադատությունն առանց վիրավորանքների, եւ այն կհրապարակվի:
բլոկադայի մեծ վարպետ եք…..