Մայիսի 12-ին Լոս Անջելեսի «Ուոլթ Դիսնեյ Հոլում» կայացավ Հայաստանի սիմֆոնիկ նվագախմբի համերգը՝ նվիրված Հայոց Ցեղասպանության 100-րդ տարելիցին: Լեփ-լեցուն դահլիճը բուռն ծափահարություններով (շատ հաճախ՝ անպատեհ, կարծես հանդիսատեսների մի մասը տեղյակ չէր, որ սիմֆոնիկ համերգների ժամանակ տեղին չէ ստեղծագործության կեսից ծափահարելը) ողջունում էր Էդուարդ Թոփչյանի ղեկավարած նվագախմբի արհեստավարժ կատարումները:
Հնչեցին Արամ Խաչատրյանի, Տիգրան Մանսուրյանի եւ Դմիտրի Շոստակովիչի ստեղծագործություններից: Հանդիսատեսներից ոմանք մի փոքր տարակուսած էին ծրագրի ընտրությունից. «Շոստակովիչ Լոս-Անջելեսի սիմֆոնիկի կատարմամբ էլ կարող էինք լսել, ավելի ճիշտ կլիներ միայն հայ կոմպոզիտորներ լինեին, դա ավելի կհամապատասխաներ համերգի «Հիշողություն» խորագրին»:
Սակայն առավել տարակուսելին համերգի ընթացքում Լոս Անջելեսում Հայաստանի հյուպատոս Սերգեյ Սարկիսովի Մըսրա Մելիքի քունն էր: Պարոն հյուպատոսը համերգը սկսվելուց րոպեներ անց քնեց եւ արթնացավ միայն համերգի վերջում: Հավանաբար՝ շատ հոգնած էր՝ հայ համայնքի խնդիրները նրան երեւի շատ են հուզում:
Կարդացեք նաև
Ա.Հ.
Լոս-Անջելես
