«Ռուսաստանը աստիճանաբար հետ է գնում եւ չի կարողանալու ռազմական լուրջ տեխնիկա, մոդեռն սարքավորումներ ստեղծել: Ինչ զենք էլ ստեղծի, ռազմական ինչ տեխնիկա արտադրի՝ արյան գնով է անելու՝ շատ ռեսուրսներ, շատ մարդկային ու ծախսերով, ծեծուջարդով, թուքումուր տալով, իշխանական մտրակի ներքո, որը դժվար կլինի»,- «Առավոտի» հետ զրույցում ասաց Հայաստանի գործատուների հանրապետական միության նախագահ Գագիկ Մակարյանը:
Նա այդպիսի տպավորություն է ստացել՝ դիտելով ռուսական ցուցահանդեսը ՀՀ-ում. «Դրանք սովետական ժամանակների սարքավորումներ էին՝ ուղղակի քառակուսի արկղերը մի քիչ կլորացված են դարձել: Դրանցից սովետական ժամանակների շունչ է փչում: Ծանր է, ոչ էֆեկտիվ, ոչ ճկուն, ոչ էժան եւ ռեսուրսատար, նյութատար»:
«Առավոտ» օրաթերթ
13.05.2015 թ
