Ինչպես հայտնի է՝ Սերբիայի Նովի-սադ քաղաքում տեղի ունեցած սամբոյի Եվրոպայի երիտասարդների առաջնությունում 62 կգ քաշային կարգում պարգևատրման արարողության ժամանակ ի պատիվ հաղթող Քամրան Ասքերովի` Ադրբեջանի հիմնի փոխարեն հնչել էր Հայաստանինը: Սա մեծ հրճվանք պատճառեց հայկական ԶԼՄ-ներին ու սոցկայքերի հայ օգտատերերին, որոնք բավական երկար ժամանակ քննարկում էին այս թեման:
Այդ առաջնության 62 կգ. քաշային կարգում արծաթե մեդալ նվաճած գյումրեցի Վոլոդյա Սարգսյանն այսօր մեզ հետ զրույցում ասաց. «Երբ Ադրբեջանի հիմնի փոխարեն հնչեց մեր պետական օրհներգը, շատ հաճելի զգացողություն էր… Սկզբում ադրբեջանցիներն էլ չէին հասկացել, որ իրենց հիմնը չէ, էդ ընթացքում մինչեւ վերջ մեր հիմնը հնչեց, հետո նոր նրանցը փոխարինեցին, դրեցին, բոլորը զարմացած էին…»:
Մեր հարցին, թե հասկանալուց հետո հիստերիա չսկսվե՞ց ադրբեջանցիների կողմից, սամբիստն ասաց՝ ոչ, պարզապես հայերը, պատվանդանին կանգնած, սպասեցին մինչեւ ավարտվեց Ադրբեջանի հիմնը:
Կարդացեք նաև
Նունե ԱՐԵՎՇԱՏՅԱՆ
