Հայոց ցեղասպանության ճանաչումն այլևս երբեք հարցականի տակ չի դրվելու, այսպիսի համոզմունք հայտնեցին Վաշինգտոնում ցեղասպանության զոհերի հիշատակին և հայ ազգի վերածննդին նվիրված եզրափակիչ միջոցառման մասնակիցները:
Կոնգրեսականներ Ֆրենկ Փալլոնն ու Բրադ Շերման իրենց կողմից ընդգծեցին Հայոց ցեղասպանության ճանաչման անհրաժեշտության մասին:
«Չկա ավելի կարևոր բան, որ Ամերիկան կարող է անել թուրք ժողովրդի համար, քան օգնել նրան ճանաչել Հայոց ցեղասպանությունը, ճանաչել սեփական պատմությունը, և ժամանակակից ազգ դառնալ»,- ասաց Փալլոնը:
Շերմանի խոսքով՝ ցեղասպանության հերքումը հաջորդ ցեղասպանության կատարման առաջին քայլն է․- «Թուրքիան չի լինի ժամանակակից, առաջադեմ, բաց երկիր, չի լինի Միացյալ Նահանգների արժանի դաշնակից մինչ չճանաչի սեփական պատմությունը»:
Կարդացեք նաև
ԱՄՆ նավատորմի նախկին ղեկավար և պաշտպանության նախկին փոխնախարար Փոլ Իգնատիուսը նշեց, որ Հայաստանի համար չափազանց կարևոր է Թուրքիայի հետ բարիդրացիական հարաբերություններ հաստատել: Թուրքիան իր հերթին բոլորովին այլ պետության է վերածվում, հավատում է Իգնատիուսը:
«Ես հավատում եմ, որ թուրք ժողովուրդը սկսում է փոքր-ինչ ազատել մտքերը, սկսած թուրք լրագրողներից, որոնք առաջինը խոսեցին Հայոց ցեղասպանության մասին»,- նշեց նա:
Ելույթ ունեցողները հատուկ շնորհակալություն հայտնեցին այն թուրք հերոսներին, որոնք ցեղասպանության տարիներին հազարավոր հայերի կյանք էին փրկել, ինչպես նաև՝ նպաստել Հայոց ցեղասպանության ճանաչմանը: Մրցանակակիրներից մեկը, թուրք պատմագիր, սոցիոլոգ և հեղինակ Թաներ Աքչամը նշեց, որ ժամանակակից Թուրքիան նոր պետության է վերածվում, որը պատրաստ կլինի ապագայում ճանաչել և հարգել հայերի պահանջները:
«Ես գիտե՛մ, թե Արարատն ու Անին ձեզ համար ի՛նչ է նշանակում», – ասաց նա:
Հոդվածն ամբողջությամբ սկզբնաղբյուր կայքում
