Հայտնի է, որ հանելուկները մեծ դեր ունեն մանկանց մտածողությունը վարժելու կյանքի ճանաչողության հարցերում: Այս վարժանքին է նպատակաուղղված նաև հանելուկների այս բարի գրքույկը:
Ցավոք, Խորհրդային տարիների գրականության մեջ հանելուկներից դուրս էր հանվել հոգևոր երևույթների ճանաչողության խնդիրները: Այս առումով կարելի է վերարթնացում անվանել Մաքսիմ Ոսկանյանի «Հանելուկներ իմաստուն մայրերի և նրանց խելացի երեխաների համար» գրքույկը, որ նկարազարդված է գեղեցիկ և ուրախ, գունավոր մանրանկարներով: Գրքույկի բաժիններն իսկ հոգևոր ճանաչողության, իմաստասիրության լուծումներ են հուշում.
Ծիսական պարզ ըմբռնումներ
Ծառի խեժ է, սառած խեժ,
Կարդացեք նաև
եթե դնես կրակին,
անուշ ծխով մի ջրվեժ
կտարածվի քո չորս դին.
նշանակն է աղոթքի:
խունկը
Ունի հայոց ամեն գյուղ,
աղոթքի վայր է մաքուր,
փոքր է, սակայն, Կյանքի՛ դուռ,
նրան կոչում ենք …..
մատուռ
Բնությունը ճանաչելու երեւույթներ
Երեսուն եղբայր, երբեմն սակայն`
մեկով ավել կամ պակաս, բարեկա՛մ:
ամսվա օրերը
Յոթ իշխան են, յոթ եղբայր,
մեկ տան մեջ են ապրում հար,
երբե՛ք չեն տեսնում իրար:
շաբաթվա օրերը
Սրբեր եւ խաչանշան այրեր
Պատկերում են միշտ նրան
ճերմակ ձիով, գավակին`
մանուկ որդուն իր առած,
իր Մարտիրոս զավակին:
Քանի՜ քանի անհույսի
նա հասնում է ամեն տեղ,
նա զորավա՛ր է Լույսից,
նա զորավա՛ր է շքեղ:
Սուրբ Սարգիսը
Սուրբ Սահակի շառավիղ
այրն այս հանուն հավատի`
ազգին վե՛ր հանեց մարտի.
Պատարագվեց` Տիրոջ պես,
որ` Տերն` Արևը՛ կյանքի`
առավելս ու ավելի՛
լուսավորի ինձ ու քեզ:
Վարդան Մամիկոնյանը
Խաղի միջոցով ուսուցողական այս բարի գրքույկն ավարտվում է «Ութօրեկան մանկանց մկրտությունը» զրույցով, որ իմաստուն մայրերի համար կարևոր խորհուրդ ունի` իրենց մանկանց հոգևոր պետքերը չուշացնելու, այլ ժամանակին հոգալու:
Հ. Ե. Ո.
«Առավոտ» օրաթերթ
09.05.2015
