Դիլիջան քաղաքի բնակիչ,1977թ. ծնված Նաիրա Ղազարյանին մեղադրանք է առաջադրվել այն բանի համար, որ նրա եւ Դիլիջան քաղաքի բնակչուհի Լ.Ա.-ի միջեւ ձեւավորված անբարյացկամ փոխհարաբերությունների պատճառով, 2015թ. հունվարի 31-ին, ժամը 10-ի սահմաններում Ա. Ն.-ին պատկանող « Օպել» մակնիշի ավտոմեքենայով աշխատանքի գնալու ճանապարհին, Լ. Ա.-ի կողմից իրեն վիրավորանք հասցնելու առիթով ծագած վիճաբանության ընթացքում, մարմնական վնասվածք հասցնելու դիտավորությամբ, բութ առարկայով մի քանի անգամ հարվածել է Լ. Ա.-ի գլխին եւ մարմնի տարբեր մասերին՝ պատճառելով առողջության ծանր, կյանքին վտանգ ներկայացնող վնաս:
Ըստ «Դատալեքս» դատական տեղեկատվական համակարգի՝ Ն. Ղազարյանին մեղադրանք է առաջադրվել ՀՀ քրեական օրենսգրքի 112 հոդվածի 1-ին մասով («Դիտավորությամբ առողջությանը ծանր վնաս պատճառելը»), նրա նկատմամբ խափանման միջոց է ընտրվել չհեռանալու մասին ստորագրությունը: Սույն քրեական գործի քննությունն ընթանում է Տավուշի մարզի առաջին ատյանի դատարանի Իջեւանի նստավայրում:
Ոսկան ՍԱՐԳՍՅԱՆ
