-Այսօր օրենքներից մեկի՝ «Օտարերկրացիների մասին» օրենքի քննարկման ժամանակ իրարամերժ կարծիքներ հնչեցին կառավարության առաջարկների և ծրագրերի մասին: Ի՞նչ կարծիքի եք այդ բանավեճի մասին:
-Ես մեծ հարգանքով եմ վերաբերվում մեր գործընկերների քաղաքական դիրքորոշումներին և մասնագիտական որակներին, բայց կցանկանայի, որ մեր գործընկերները ձեռնպահ մնային առանձին դրույթների, մասնակի դետալների, հատկապես՝ ոչ շատ էական , ծավալուն դրույթների, կարգավորումների մեջ լուրջ, ծանրակշիռ փոփոխություններ չառաջացնող դրույթների հիման վրա ամբողջական համալիր, հեռու գնացող եզրակացություններ կամ եզրահանգումներ անելուց: Եթե կառավարությունը փորձում է ինչ-ինչ կարգավորումներ մտցնել այն դաշտում, որտեղ իրավական կարգավորման բացթողումներ և տարընթերցումներ կան, ապա դրանից եզրակացնել, որ փոխվում է բնույթը, ուղղվածությունը վարվող կուրսի, նահանջ սկզբունքներից, կարծում եմ, արդարացի չէ և բացարձակ մեկը մյուսից բխող եզրահանգում չէ : Նման բան չկա: Կասեի հակառակը՝ վերջին շրջանում կառավարությունը փորձում է առավել լիբերալ, ազատական, ինչպես նաև, աջակցող քայլերով զարկ տալ տնտեսական զարգացմանը, ոչ թե գնալ տնտեսական ակտիվությունը սահմանափակելու, տնտեսվարողներին կաշկանդելու ճանապարհով, որի մասին խոսելու համար, կարծում եմ, բնավ հիմքեր չկան:
Մամլո հաղորդագրություն
