Կենտրոն եւ Նորք-Մարաշ վարչական շրջանների ընդհանուր իրավասության դատարան էր բերվել կուրսանտ Արշակ Մարտիրոսյանը, որը գտնվում է հրամանատարների հսկողության տակ:
Այսօրվանից նրա պաշտպանությունը ստանձնեց Հանրային պաշտպանի գրասենյակից փաստաբան Հայկ Իսրայելյանը, որը դեռ չէր հասցրել ծանոթանալ մեկ հատորանոց գործի նյութերին՝ 72 էջից բաղկացած:
Դատավոր Արշակ Վարդանյանը բացատրեց կուրսանտի իրավունքներն ու պարտականությունները, ճշտեց նրա ինքնությունը:
Կարդացեք նաև
Երբ դատավորն դիմելով կուրսանտին ամեն անգամ ասում էր ՝նստեք, կուրսանտը պատասխանում էր ՝ ճիշտ այդպես: Դատավորը ասաց, որ կուրսանտը զորամասում չի գտնվում եւ հորդորեց հանգիստ պատասխանել իր հարցերին:
Վազգեն Սարգսյանի անվան ռազմական ինստիտուտի կուրսանտի գործով մեղադրանքը պաշտպանելու է Տիգրան Հարությունյանը:
Պաշտպանական կողմը դատարանից ժամանակ խնդրեց. չի բացառվում, որ նրանք հանդես գան արագացված ընթացակարգի միջնորդությամբ: Արագացված ընթացակարգը նշանակում է, որ կողմը ընդունելով իր մեղքը, ցուցմունք չի տա, վկաները, որոնք այսօր եկել էին դատարան, մոտ վեց անձ, ցուցմունք չեն տա, ըստ էության դատական քննություն չի լինի:
Ըստ դատարան ուղարկված գործի, Արշակ Մարտիրոսյանին մեղադրանք է առաջադրվել այն բանի համար, որ նա 28.01.2015թ. ժամը 20:00-ի սահմաններում, «Ա. Սպենդիարյանի» անվան օպերայի և բալետի ազգային թատրոնում, ՀՀ ԶՈՒ կազմավորման տարեդարձի առթիվ կազմակերպված տոնական համերգից հետո, ռազմական ինստիտուտ վերադառնալու ճանապարհին, ավտոբուսի մեջ վիճել էր նույն դասակի կուրսանտ Հայկազ Բարսեղյանի հետ, որի ընթացքում հայհոյել և քաշքշել է նրան, ստորացնելով նրա պատիվն ու արժանապատվությունը:
Հիշեցնենք, որ Հայկազ Բարսեղյանի սպանության գործով այս դրվագն առանձնացվել էր:
