Ազգային ժողովի նախկին պատգամավոր Հակոբ Հակոբյանը, հայտնի նաեւ «Ճոյտ» մականունով, մայիսի 4-ի ուշ երեկոյան ազատ արձակվեց։ Հիշեցնենք, որ Հակոբ Հակոբյանը ձերբակալվել էր հարկային պարտավորությունները չկատարելու եւ ապօրինի ձեռնարկատիրություն ծավալելու համար:
– Պարո՛ն Հակոբյան, այս անակնկալ ձերբակալությունն ու նույնքան անակնկալ ազատ արձակվելն ինչի՞ հետ եք կապում։
– Դե, նախկինում ստուգումներ են կատարվել իմ ձեռնարկություններից մեկում։ Հաշվապահը շփոթվել էր, 3 տարի շարունակ իր սխալի հետեւանքով, հաշվետվություն տալու ընթացքում առաջացել էր հարկեր։ Հետո, երբ որ մեր մոտ ստուգումների եկան 2014 թվականին, հայտնաբերեցին, որ սխալվել է ինքը։ Սակայն դա չի նշանակում, որ դու պետք է պատասխանատվությունից ազատվես։ Ես էլ, լինելով այդ ձեռնարկության սեփականատերը, վերցրեցի ամբողջ պատասխանատվությունն ինձ վրա եւ ասացի, որ եթե իմ ձեռնարկության հաշվապահը կամ տնօրենն ինչ-որ բան սխալվել է՝ դիտավորյալ, պատահական կամ չհասկանալով, ամբողջ պատասխանատվությունը ես վերցնում եմ ինձ վրա։ Եվ մենք 169 միլիոն դրամ փող վճարեցինք, եւ դրանից հետո խափանման միջոցը փոխվեց։
– Մարդիկ Ձեր ձերբակալությունը կապում են Ցեղասպանության թեմայով Ձեր նկարահանած ֆիլմի հետ, այսպես ասած՝ «մշակութային բանտարկյալ» են Ձեզ համարում։
Կարդացեք նաև
– Չէ, բոլորովին, բոլորովին։ Ֆիլմի նկատմամբ որեւիցե բան չի եղել, ֆիլմն ստեղծվել է այն ժամանակ, երբ արդեն ակտը գրված-վերջացրած է եղել։ 2014 թվականին այդ ստուգումներն իրականացրել էին։
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
