Այսօր, «Աշխարհը եւ մենք» ծրագրի շրջանակներում, Մամուլի ազգային ակումբում հյուրընկալված ՀՀ-ում Լեհաստանի արտակարգ եւ լիազոր դեսպան Եժի Նովակովսկուց լրագրողները հետաքրքրվեցին`իր կարծիքով Հայաստանում քաղբանտարկյալներ կա՞ն, թեպետ Ժիրայր Սեֆիլյանը եւ «Հիմնադիր խորհրդարանի» կալանավորված անդամներն այսօր արդեն ազատ են արձակվել:
«Շատ բարդ եւ խրթին հարց է, քանի որ դիվանագետի վերջին գործառույթն է մեկնաբանել երկրի ներքին գործերն ու ներքաղաքական ասպարեզում տեղի ունեցողը»,- ասաց դեսպանը`հավելելով, որ դիվանագետի պարտականությունը ներքաղաքական դաշտի իրադարձություններին ուշի-ուշով հետեւելն է եւ գնահատականները իր երկրին փոխանցելը:
Հարց հնչեց նաեւ կիրակի օրը Լեռնային Ղարաբաղում կայացած խորհրդարանական ընտրությունների մասին: «ԼՂՀ կարգավիճակի ու ճանաչման հարցը դեռ առկախ է, ուստի քաղաքական գնահատական տալը տեղին չէ, նման գնահատական գոյություն չունի»,- պատասխանեց Եժի Նովակովսկին:
Նա ասաց, որ ուշադիր հետեւում են Մինսկի խմբի գործունեությանը: «Համաձայն ենք այն դիտարկման հետ, որ ԼՂՀ-ի ժողովուրդն իրավունք ունի որոշել իր ապագան: Բայց Լեհաստանի կառավարության տեսանկյունից ԼՂՀ-ն մի տարածք է, որն իրավական կարգավիճակ չունի»:
Կարդացեք նաև
Նելլի ԳՐԻԳՈՐՅԱՆ
