Ամերիկայի Միացյալ Նահանգների իշխանությունները չեն ճանաչի մայիսի 3-ին Լեռնային Ղարաբաղում կայանալիք խորհրդարանական ընտրությունների արդյունքները: Այս մասին երեկ հայտարարել են Պետդեպարտամենտից:
«ԱՄՆ-ն Լեռնային Ղարաբաղը, որպես անկախ, ինքնիշխան հանրապետություն չի ճանաչում: Դրա հետ կապված, մենք չենք ճանաչի մայիսի 3-ի ընտրությունների արդյունքները»,- ասել է ԱՄՆ պետքարտուղարության պաշտոնական ներկայացուցիչ Ջեֆ Ռատկեն:
Նա հավելել է, որ ԱՄՆ-ն չի պատրաստվում «մինչեւ միջազգային բանակցությունների ավարտը հապճեպ եզրակացություններ կատարել Լեռնային Ղարաբաղի առնչությամբ»: Ռատկեն նաեւ ասել է, որ «Հակամարտության համապարփակ կարգավորման համատեքստում մենք ճանաչում ենք, որ Լեռնային Ղարաբաղի ժողովուրդը սեփական ապագան որոշելու դերակատարում ունի»։
Հիշեցնենք, որ ԼՂՀ խորհրդարանական ընտրությունների վերաբերյալ ապրիլի 30-ին հայտարարություն էր տարածել ԵԱՀԿ Մինսկի խումբը, որում նշված էր, թե իրենք չեն ընդունելու ընտրությունների արդյունքները:
Կարդացեք նաև
Անդրադառնալով այս երկու հայտարարությունների Ադրբեջանի ԱԳՆ մամուլի խոսնակ Հիմքեթ Հաջիեւը հայտարարել է, թե «ԵԱՀԿ Մինսկի խմբի համանախագահների եւ ԱՄՆ պետդեպարտամենտի կողմից «Լեռնային Ղարաբաղի ժողովուրդ» տերմինի օգտագործումը սխալ եւ անընդունելի է»:
Պատրաստեց Աշոտ ԻՍՐԱԵԼՅԱՆԸ
Լեռնային Ղարաբաղի Հանրապետություն (Արցախ) փաստացի անկախ, սակայն միջազգայնորեն չճանաչված պետություն Անդրկովկասում:Պատմականորեն կազմում է Մեծ Հայքի Արցախ նահանգը։ Հայ մեծանուն պատմաբան Լեոն Արցախը համեմատել է «հսկայական միջնաբերդի» հետ, առանց որի «անհնար է երևակայել Հայաստանի սրտի, այն է՝ Արարատյան երկրի պաշտպանությունը»:
Լեռնային Ղարաբաղի Հանրապետությունը անկախության հռչակագիրը ընդունել է 1991 թվականի սեպտեմբերի 2-ին՝ Լեռնային Ղարաբաղի մարզային և Շահումյանի շրջանային խորհուրդների համատեղ նստաշրջանի ընթացքում՝ ժողովրդական պատգամավորների կողմից։ Հռչակագրի առաջին կետը ունի հետևյալ ձևակերպումը.
«Ընդունել ներկայիս Լեռնային Ղարաբաղի Ինքնավար Մարզի և սահմանակից Շահումյանի շրջանի սահմաններում Լեռնային Ղարաբաղի Հանրապետության (ԼՂՀ) հռչակման մասին հռչակագիրը»:
1920թ. նոյեմբերի 30-ին Ադրբեջանի կոմկուսի Կենտկոմի քաղբյուրոյի և կազմբյուրոյի համատեղ նիստում ընդունվեց որոշում,ըստ որի Ադրբեջանի բանվորագյուղացիական
կառավարության կողմից հայտարարվում է, որ Հայաստանի և Ադրբեջանի միջև եղած սահմանային վեճերը վերացած են համարվում։ Ինչի արդյունքում Լեռնային Ղարաբաղը, Զանգեզուրը և Նախիջևանը համարվում են Հայաստանի սոցիալիստական հանրապետության մաս։
1921թ. հունիսին, Հայաստանը նույնպես Լեռնային Ղարաբաղը հայտարարեց իր անբաժանելի մաս։ 1921թ. հուլիսի 4-ին Ռուսաստանի կոմունիստական կուսակցության Կովկասյան բյուրոն Վրաստանի մայրաքաղաք Թբիլիսիում հրավիրում է լիագումար նիստ, որի ընթացքում նույնպես հաստատվում է Լեռնային Ղարաբաղը Հայկական ԽՍՀ մաս հանդիսանալու փաստը։ Սակայն, Մոսկվայի թելադրանքով և Ստալինի անմիջական միջամտությամբ, հուլիսի լույս 5-ի գիշերը վերանայվում է նախորդ օրվա որոշումը և ընդունվում է Լեռնային Ղարաբաղը Խորհրդային Ադրբեջանի կազմում ընդգրկելու և այդ տարածքում ինքնավար մարզ կազմավորելու վերաբերյալ որոշում` չպահպանելով նույնիսկ ընթացակարգը։
Եթե մեր խելոքները Լեվոնի գլխավորությամբ ճիշտ որոշում ընդունեին,թողնելով Լեռնային Ղարաբաղը որպես Հայաստանի Հանրապետություն մի մաս,դրանով մենք կպահանջեինք աշխարհից Սեվերի պայմանագիրը:
Ինչպես եղավ որ Հայաստանի մի մարզ,ներկայիս (Արցախը) դարձավ հանկարծ առանձին Հանրապետություն:Դա նույն է որ վաղը գեներալ Մանվել Գրիգորյանը հայտարարի որ Արմավիրի մարզը այսուհետ լինելու է Արմավիրի Հանրապետություն եվ այսուհետեվ մենք անկախ պետություն էնք:
ՈՎ Է ՄԵՂՎՈՐԸ ՈՐ (Լեռնային Ղարաբաղի Հանրապետություն) ԱՇԽԱՐՀԸ ՉԻ ՃԱՆԱՉՈԻՄ ՈԻ ՉԻ ԷԼ ՃԱՆԱՉԵԼՈԻ: