Թուրքական «Today’s Zaman»-ը փոխանցել է, որ Հայոց ցեղասպանության մասին Եվրոպական խորհրդարանի կողմից ապրիլի 15-ին ընդունված բանաձեւը Թուրքիայի պատվիրակությունը ստացել է ապրիլի 29-ին: Ապրիլի 30-ին այն վերադարձվել է Եվրոպական խորհրդարանի գլխավոր քարտուղարի գրասենյակ, քանի որ Անկարան կարծում է, որ այն միակողմանի բանաձեւ է եւ այդպիսի որոշումները չպետք է ընդունվեն խորհրդարանների կողմից:
Հիշեցնենք, որ ապրիլի 15-ին Եվրախորհրդարանը պատվիրակների ճնշող մեծամասնության հավանությամբ ընդունեց Հայոց ցեղասպանությունը դատապարտող բանաձև:
Բանաձեւի ընդունումից մի քանի ժամ անց Թուրքիայի ԱԳՆ-ն հայտարարությամբ էր հանդես եկել, որում, մասնավորապես նշված էր. « Այս բանաձեւով Եվրոպական խորհրդարանը կրկնել է անցյալում կատարած իր սխալը, ինչն անհամատեղելի է միջազգային իրավունքի հետ եւ գերազանցում է նրա իրավասությունները: Մենք լուրջ չենք վերաբերվում նրանց, ովքեր կեղծելով պատմությունը եւ օրենքները՝ ընդունեցին այս բանաձեւը»:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
