Human Rights Watch միջազգային իրավապաշտպան կազմակերպությունը նամակ է ուղղել Հայաստանի գլխավոր դատախազ Գևորգ Կոստանյանին, որում մտահոգություն է հայտնում «Հիմնադիր խորհրդարան» ընդդիմադիր շարժման հինգ անդամներին առաջադրված մեղադրանքների և նրանց նախնական կալանքի ենթարկելու կապակցությամբ, և դատախազությանը կոչ է անում քայլեր ձեռնարկել վերջիններիս իրավունքների վերականգնման ուղղությամբ:
«Human Rights Watch-ը մտահոգված է, որ «Հիմնադիր խորհրդարանի» անդամները հետապնդվում են իրենց խաղաղ քաղաքական հայացքների համար: Նրանց առաջադրված մեղադրանքներով խախտվում է մտքի և ազատ արտահայտվելու իրավունքը: Այն պաշտպանված է քաղաքացիական և քաղաքական իրավունքների մասին միջազգային դաշնագրով, որին միացել է նաև Հայաստանը», – ասված է նամակում:
Human Rights Watch-ը նշում է, որ կալանքը պետք է դիտարկել, որպես խափանման վերջին միջոց, մինչդեռ ընդդիմադիր ակտիվիստները անմիջապես ձերբակալվել են, և նրանց մոտից առգրավվել են անգամ դրոշները։
Ռուզան Գիշյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
