Այսօր ԱԺ նիստում քվեարկության դրվեց եւ ամբողջությամբ ընդունվեց «Բնակչության բժշկական օգնության եւ սպասարկման մասին օրենքում» փոփոխություն եւ լրացումներ կատարելու մասին նախագիծը՝ 110 կողմ, 1 դեմ ձայների հարաբերակցությամբ:
Այսուհետեւ, ըստ օրինագծի, առաջարկվում է բուժաշխատողների մասնագիտական հմտությունների շարունակականությունն իրականացնելու համար ներդնել հավաստագրման համակարգ:
ՀԱԿ խմբակցության պատգամավոր Հրանտ Բագրատյանը մինչ քվեարկությունն ասաց, որ ինքը կողմ է քվեարկելու, բայց եթե այն համակարգը, որով մենք պետք է սրանից հետո բժիշկներին գնահատենք եւ գնահատականի մեջ չի ներառվելու առողջապահական ծառայություն ստացող մարդու կարծիքը, եթե մենք այդ քայլը չենք անելու, այս օրենքը խանգարելու է շուկային եւ աղավաղելու է. «Վիրահատությունները անպայման պետք է վիդեոյով նկարահանվեն, դրվեն: Եթե փոփոխությունը չարվի, այս ամենը դառնալու է թեժ քննարկման առարկա»:
Արա Բաբլոյանը, ի պատասխան Հրանտ Բագրատյանի՝ գլխով արեց՝ համաձայնելով նրա հետ:
Կարդացեք նաև
Քվեարկության դրվեց նաեւ «Սահմանված կարգի խախտմամբ պարտադիր զինծառայություն չանցած քաղաքացիների մասին» օրենքում փոփոխություններ կատարելու մասին նախագիծը եւ ընդունվեց ամբողջությամբ՝ կողմ 104, դեմ 5 եւ 0 ձեռնպահ ձայների հարաբերակցությամբ:
Հռիփսիմե ՋԵԲԵՋՅԱՆ
