Այսօր Շախմատի ակադեմիայում տեղեկացանք, որ Ազգային Ժողովի պատգամավոր Տաճատ Վարդապետյանը, որ անցած տարվա հունիսին Երեւանում ՀՀ ԱԺ պատգամավորների հետ անցկացրած միաժամանակյա խաղի ընթացքում հաղթել էր շախմատի աշխարհի չեմպիոն Մագնուս Կարլսենին, այլեւս նպատակահարմար չի համարում ակտիվ շախմատ խաղալ:
Ըստ այդ լուրերի, պատգամավորն ասել է, թե կարող է խաղալ միայն հանրապետության նախագահի հետ: Լուրի իսկությունը ճշտեցինք անձամբ Տաճատ Վարդապետյանից: «Այո, այլեւս ակտիվ շախմատ չեմ խաղում: Այս մրցաշարում ԱԺ թիմի մարզիչն եմ: Իսկ ինչ վերաբերում է ՀՀ նախագահ, Հայաստանի շախմատային ֆեդերացիայի նախագահ, Սերժ Սարգսյանի հետ խաղալուն, այո, այդպիսի նպատակ կա, եթե պարոն նախագահը ցանկություն ունենա», – ասաց ՀՀԿ-ական պատգամավորը:
Աշոտ ՀԱԿՈԲՅԱՆ
