Տարիներ առաջ մայրաքաղաքի «Ֆիրդուսնոց» կոչվող տարածքում կատարվել է գողություն: Անձը՝ Կ.Ա-ն դիմել է փախուստի, եւ նախնական տեղեկություններով՝ գտնվել է հանրապետությունից դուրս, մահացել, սակայն նրա գործը կասեցված չէ:
Նախաքննության մարմնի կողմից Կ.Ա-ի նկատմամբ որպես խափանման միջոց էր ընտրվել անձնական երաշխավորությունը։
Դեռ 1996 թ. հաստատված մեղադրական եզրակացությամբ՝ Կ.Ա-ի վերաբերյալ քրեական գործն ուղարկվել է դատարան։
Նախկին Սպանդարյան շրջանի ժողդատարանի 16.12.1996թ. որոշմամբ Կ.Ա-ի անձնական երաշխավորություն խափանման միջոցը փոխվել է կալանքով, նրա նկատմամբ հայտարարվել է հետախուզում և քրեական գործի վարույթը կասեցվել է` մինչև նրան հայտնաբերելը։
Կարդացեք նաև
Սակայն տարիներ հետո ՀՀ ոստիկանության Երևան քաղաքի վարչության Էրեբունու բաժնի պետի 18.12.2014թ. գրության համաձայն` Կ. Ա-ն Տաշքենդ քաղաքում մահացել է «Ձախ թոքի քաղցկեղ» ախտորոշմամբ հիվանդության հետևանքով։
Ըստ մեր տեղեկությունների, դատարան է բերվել հարազատների կողմից նրա մահվան վկայականը:
Կ.Ա-ի նկատմամբ հարուցված քրեական գործը դեռ կասեցված չէ: Ավելին՝ վերսկսվել է, քանի որ Տաշքենդի ոստիկանության խոսքին են սպասում մեր իրավապահները:
Այսօր Կենտրոն եւ Նորք-Մարաշ դատարանի դատավոր Գագիկ Պողոսյանը նիստը սկսելուն պես հայտարարեց, որ Տաշքենդից պաշտոնական գրությունը, թե այդ անձը մահացածն է, կուղարկվի Էրեբունու ոստիկանության բաժին:Մինչ օրս դեռ այդ գրությունը չի ուղարկվել, չկա:
Այս վերսկսված գործով դատարանի որոշմամբ հրավիրվել էր դատախազ:
