«ՉԻ» զրուցակիցն է ԱԺ Տնտեսական հարցերի մշտական հանձնաժողովի նախագահ, Հայաստանի գազամատակարարման ոլորտն ուսումնասիրող ԱԺ ժամանակավոր հանձնաժողովի նախագահ Վարդան Այվազյանը:
– Պարոն Այվազյան, գազի գինը իջեցնելու «տեղ ունե՞նք», թե ոչ։
– Գազի գինն իջեցնելու հետ կապված ասեմ, որ գնագոյացման երեք պարամետր գոյություն ունի, առաջին՝ գազի ներկրվող գինը, որը մեզանից չի կախված, կախված է այնքանով, որքանով բանակցություններ են ընթանում։ Երկրորդ՝ ծախսեր ու կորուստներ, եւ երրորդը՝ մարժա։ Գազի ներկրման գինն ու մարժան հաստատված է միջպետական պայմանագրով եւ վավերացվել է ԱԺ-ի կողմից։ Սրանք փոխել, նշանակում է՝ նոր բանակցային գործընթաց, ինչն էլ իշխանությունները հիմա անում են. Ռուսաստանի հետ պիտի պայմանավորվել՝ կամ գազի գինն իջեցնելու, կամ մարժան փոխելու համար։ Մյուս գործոնը, որի մասին ասացի, ծախսերն ու կորուստներն են։ Իրենց ցույց տված կորուստները գործող նորմատիվների սահմաններում են, հիմա ես ասում եմ՝ պիտի նորմատիվները փոխել, հին նորմատիվներով չի կարելի աշխատել։ Մյուսը՝ շահույթը պետք է հաշվել ըստ իրականացված գործունեության շահութաբերության, որ ինքը շահագրգռված լինի շատ գազ վաճառել, եւ դրանից՝ շահույթ ստանալ։
Հավատացեք՝ մեր հանձնաժողովը շատ արժեքավոր գործ է արել: Արժանահավատ տեղեկատվության հիման վրա առաջ են քաշվել եզրակացություններ, որոնք իրենց հերթին պետք է բերեն տվյալ համակարգի արդիականացման ու ճիշտ կառավարման մոդելի։ Մենք մեր առաջարկություններն արել ենք։ Հիմա մնում է հաջորդ քայլը՝ այդ առաջարկություններն արդյո՞ք կիրականացվեն, թե ոչ։
Կարդացեք նաև
Մյուս պատգամավորներն առաջարկում են ստեղծել մոնիտորինգի խումբ, որ նայենք՝ հանձնաժողովի արժեքավոր եզրակացություններն իրականացնում են, թե ոչ։ Ես ինքս որպես պատգամավոր կողմ եմ քվեարկելու այդ առաջարկին։ Քավ լիցի, ես կարող եմ նաեւ հրաժարվել այդ խումբը գլխավորելուց, բայց գաղափարին կողմ եմ եւ ցանկանում եմ, որ այն ստեղծվի։
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
