«Գագիկ Ծառուկյանն այլևս քաղաքականություն չի վերադառնա», – այսօր պատասխանելով «Ազատության» հարցին՝ հայտարարեց հենց ինքը՝ «Բարգավաճ Հայաստան» կուսակցության նախկին առաջնորդը։
«Քաղաքականության էջը ինձ համար փակ է», – ասաց Գագիկ Ծառուկյանը:
Նա այսօր մասնակցում էր իրեն պատկանող «Առինջ մոլ» տոնավաճառի բացմանը։ Նոր տոնավաճառում 520 առևտրականներ երեք տարի առանց վարձավճարի առևտուր կանեն։ Վերջիններիս հետ զրուցելով՝ Ծառուկյանը հպարտությամբ հայտարարեց․ – «Ինչ խոստացել եմ, տասնապատիկ ավելին եմ արել և շարունակելու եմ անել»:
Ընդամենը երկու ամիս առաջ ընդդիմադիր համարվող Գագիկ Ծառուկյանը հրապարակայնորեն խոստացավ իշխանափոխություն անել, Հայաստանն ազատել Սերժ Սարգսյանի՝ իր բնորոշմամբ՝ «չարիքի իշխանությունից», սակայն կարճ ժամանակ անց ընդհանրապես լքեց քաղաքական ասպարեզը։
Կարդացեք նաև
«Ազատության» հարցին, թե քաղաքականությունից իր հեռանալու պարագայում ի՞նչ խոստման մասին կարող է խոսք լինել, ԲՀԿ նախկին առաջնորդը պատասխանեց․ – «Ասացի՝ քաղաքականության համար ես այդ էջը փակել եմ: Անհասկանալի՞ եմ ասել»:
Սիսակ Գաբրիելյան
Նյութի մանրամասները կարդացեք «Ազատություն» ռադիոկայանի կայքում
Պետք չի հաճույք ստանալ ուրիշի դժվարության բարձրաձայնումից: Էնպես չանեք, որ բարեգործության էջն էլ փակի: Մարդուն իր համար տհաճ հարցեր տալը բարության պակասի նշան է:
Ոչինչ մի օր Սերժի էջն էլ կփակվի