Հիմնադիր խորհրդարանի Վարդան Հակոբյանն ասաց.
– Չեղավ այն մոբիլիզացիան, որը մենք ակնկալում էինք, այդ իսկ պատճառով չեն կարող չլինել մարտավարական փոփոխություններ։ Բայց դա չի նշանակում, որ շարժումը դադարելու է կամ կազմալուծվելու է, պետք է այս ամենից անել ճիշտ հետեւություններ եւ նոր մարտավարական հնարքներով հասնել այն ամենին, ինչն ի սկզբանե մենք փորձում էինք։
Նույնիսկ եթե հասնենք ինչ-որ բանի, դա կլինի մեր ցանկությունը, դա չի լինի ժողովրդի ցանկությունը, իսկ մեր գործն է, որ ժողովրդի կամքն արտահայտվի։ Եթե ժողովուրդը մասնակցություն չի ունենալու, անիմաստ է ինչ-որ քայլեր ձեռնարկելը։
– Փաստորեն, իշխանափոխության ծրագիրը մնաց օդում կախված, ո՞րն է լինելու ձեր հաջորդ քայլը։
Կարդացեք նաև
– Ճիշտ է՝ օդում կախված մնաց, բայց այն օրակարգում առաջին տեղում է մնալու։ Մենք պետք է նորից սկսենք աշխատել։ Չեմ վախենում վերանայել ծրագրերը, գաղափարները, բայց քանի դեռ կա այդ օրակարգային հարցը, նշանակում է հարցին լուծում տալ է պետք եւ պետք չէ մտածել, որ ձախողվեցինք, ուրեմն աշխարհի վերջը եկավ։
Աննա ՄԱԹԵՎՈՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
