Լիբանանեան մամուլը լայնօրէն անդրադարձաւ Հայոց ցեղասպանութեան 100-ամեակի ոգեկոչման կեդրոնական ձեռնարկներուն` ժողովրդային քայլարշաւին եւ ապա հաւաքին, որ տեղի ունեցաւ Պուրճ Համուտի քաղաքապետարանի մարզադաշտին` վրայ 24 ապրիլ 2015-ին:
Ստորեւ կ՛անդրադառնանք շաբաթ, 25 ապրիլ 2015-ին Լիբանանի մէջ լոյս տեսած օրաթերթերուն.
«ԺՈՒՄՀՈՒՐԻԱ»
Թերթի առաջին էջին վրայ զետեղուած է քայլարշաւի պատկերը: 6-րդ էջով լոյս տեսած յօդուածը կը կրէր հետեւեալ խորագիրը. «Մարդկային հեղեղը կապեց Անթիլիասը Պուրճ Համուտին. արդարութիւնը պիտի գայ»:
Յօդուածին սկիզբը կ՛ըսուի, թէ հայերը` կազմելով մարդկային միացեալ պատկեր մը, որ երկարեցաւ Անթիլիասէն Պուրճ Համուտ, իրենց յարգանքի տուրքը մատուցեցին իրենց նահատակներուն, որոնք ինկան 100 տարի առաջ: Հայերը իրենց խուռներամ բազմութեամբ, որուն թիւը կը հասնէր տասնեակ հազարներու, փաստեցին, որ հաւատարիմ կը մնան իրենց նահատակներուն:
Յօդուածին մէջ կ՛ըսուի նաեւ, թէ հայ քաղաքական երեք կուսակցութիւնները` ՀՅԴ, ՍԴՀԿ եւ ՌԱԿ , շեշտեցին մայրիներու հայրենական ու քրիստոնեայ դիմագիծը:
Թէեւ հայերը սփռուած են աշխարհով մէկ, բայց Լիբանանի մէջ 100-ամեակի այս ոգեկոչումը համահաւասար էր Հայաստանի մէջ տեղի ունեցող ոգեկոչման արարողութիւններուն եւ փաստեց , որ հայերը փոքրամասնութիւն չեն, այլ մարդկային արժէք կը ներկայացնեն իրենց կեանքով, կենցաղով ու նուիրումով:
Նյութի մանրամասները կարդացեք «Ազդակ»-ի կայքում
