Եվրոպայի խորհրդի խորհրդարանական վեհաժողովի (ԵԽԽՎ) Մոնիտորինգի հանձնաժողովն անցած շաբաթ կայացած նիստում որոշում է կայացրել ստեղծել սառեցված հակամարտությունների կարգավորմամբ զբաղվող հերթական ենթահանձնաժողով: Այն ստեղծվելու է Մոնիտորինգի հանձնաժողովի կազմում: Ենթահանձնաժողովը զբաղվելու է Եվրոպայի տարածքում գոյություն ունեցող այն հակամարտություններով, որոնցում չկան ռազմական ակտիվ գործողություններ, ստորագրված է զինադադարի մասին պայմանագիր: Վեհաժողովի ձևակերպմամբ՝ հանձնաժողովի աշխատանքները ոչ թե միտված են լինելու հակամարտությունների լրիվ կարգավորմանը, այլ նպատակ են ունենալու դիվանագիտական աջակցություն ցուցաբերել, որպեսզի գործող կարգավորման մեխանիզմներն արդյունավետ գործեն: Ենթահանձնաժողովը ստեղծվել է Ղարաբաղյան հակամարտության, Հարավային Օսեթիայի և Աբխազիայի, Հյուսիսային Կիպրոսի, Մերձդնեստրի և Ղրիմի հակամարտությունների կարգավորման առնչությամբ:
Այսօր հրավիրված մամուլի ասուլիսում ԵԽԽՎ հայաստանյան պատվիրակության ղեկավար Հերմինե Նաղդալյանն ասաց, որ այս հերթական փորձը դատապարտված է ձախողման:
Այլ մանրամասները` տեսանյութում
Կարդացեք նաև
Ի դեպ, Հերմինե Նաղդալյանը նաեւ տեղեկացրեց, որ մայիսի 19-ին Ռերուանում կկայանա ԵԽԽՎ իրավական հանձնաժողովի նիստը:
Նելլի ԳՐԻԳՈՐՅԱՆ
