Ռուս սահմանապահները հայ-իրական սահմանին ձերբակալել են իրանցի մի զինծառայողի, որն Արաքս գետի հատվածում փորձում էր անօրինական անցնել սահմանը։ Այս մասին հաղորդել է ռուսական «Interfax» գործակալությունը։
Զինծառայողն իր գործողությունների պատճառ է նշել համածառայակիցների հետ տարաձայնությունները, որոնք ծագել են կրոնական հողի վրա։ Նա նաեւ ասել է, որ ինքը քրիստոնյա է։
«Interfax»-ը նաև հաղորդել է, որ սահմանախախտին փոխանցել են Հայաստանի ազգային անվտանգության ծառայությանը, որտեղ էլ կպարզվեն սահմանը խախտելու փորձի վերաբերյալ բոլոր մանրամասները։
Պատրաստեց Աշոտ ԻՍՐԱԵԼՅԱՆԸ
