Թուրքիայի նախագահ Ռեջեփ Թայիփ Էրդողանը քննադատել է հայոց ցեղասպանության 100-ամյա տարելիցի միջոցառումներին համաշխարհային առաջնորդների մասնակցությունը, այն, որ Պուտինը, Օլանդը եւ Գերմանիայի նախագահ Իոախիմ Գաուկը մեկ դար առաջ կատարվածը ցեղասպանություն են կոչել: Ինչպես հաղորդում է «Ռոսբալտ» գործակալությունը , Էրդողանը հայտարարել է. «Պուտինը, Օլանդը չպետք է գնային Հայաստան: Սկզբում նրանք պետք է մտածեին իրենց սեփական պատմության սեւ էջերի մասին: Վերջինները, ովքեր կարող էին խոսել ցեղասպանության մասին, Ռուսաստանը, Ֆրանսիան, եւ Գերմանիան են: Հենց Գերմանիան սանձազերծեց երկու համաշխարհային պատերազմները, որոնք հանգեցրին անթիվ դժբախտությունների»:
Թուրքիայի նախագահը երեսպաշտության մեջ մեղադրել է նաեւ Եվրամիությանը, որը ճանաչել է հայոց ցեղասպանությունը:
Ոսկան ՍԱՐԳՍՅԱՆ
