«Սոցիալական արդարություն» կուսակցության ղեկավար Կարեն Օհանջանյանի հայտարարությունը՝ ԼՂՀ խորհրդարանական ընտրությունների առիթով
Հարգելի համերկրացիներ. Ընտրությունները բոլոր ժողովուրդների համար կարևոր իրադարձություն են ժողովրդավարական գործընթացների զարգացմանն ուղղված:
Միջազգային հանրության կողմից չճանաչված երկրներում ընտրությունները ստանում են առանձնահատուկ նշանակություն, որոնց արդյունքներից է կախված միջազգային հանրության վերաբերմունքը նմանատիպ սուբյեկտների հանդեպ: Սակայն, մեր պետության համար առավել կարևոր է ընտրողների և Արցախի քաղաքացիների վերաբերմունքը ընտրված իշխանությունների հանդեպ:
Անչափ կարևոր է, որ նախընտրական քարոզարշավի և ընտրությունների ժամանակ ընտրողները գիտակցված, բաց և թափանցիկ կերպով կատարեն իրենց քաղաքացիական պարտքը՝ քվեարկելով այս կամ այն քաղաքական կազմակերպության, կամ ՝էլ Արցախի խորհրդարանի որևէ թեկնածուի օգտին:
Կարդացեք նաև
Ձեր ընտրությունն է որոշում Արցախի զարգացման հեռանկարը, դրանից է կախված, թե ինչպիսին կլինի Արցախի սոցիալ-տնտեսական, արտաքին, մշակութային և պաշտպանական քաղաքականությունը: Ձեր ընտրությունից է կախված ապագայի արժանի և ապահով կյանքի մակարդակը մեր երկրում:
Միևնույն ժամանակ, ընտրությունները գաղափարների մրցակցության հնարավորություն են և քաղաքական կազմակերպությունների համար հարթակ, որ յուրաքանչյուրիս հնարավորություն է տալիս նախընտրական քարոզարշավին և ընտրություններին մասնակցելու միջոցով կատարելագործել մեր՝ որոշումների կայացման մասնակցության արժեհամակարգը :
Քվեարկելով այս կամ այն կուսակցության կամ այս կամ այն թեկնածուի օգտին՝ դուք մասնակիցն եք դառնում արցախյան իշխանության ձևավորմանը և առանձին պատասխանատվություն եք կրում Արցախի Ազգային ժողովի ապագա որոշումների համար:
«Սոցիալական աջակցություն» կուսակցությունը որոշել է չմասնակցել կայանալիք ընտրություններին կենտրոնացնելով իր ուժերը արցախյան հանրության հետ աշխատանքների վրա՝ ժողովրդավարական ինստիտուտների զարգացման ուղղությամբ, ինչը, կուսակցության մեծամասնություն կազմող անդամների կարծիքով, թույլ կտա տնտեսել ներուժն ապագայում՝ Արցախի հասարակական-քաղաքական կյանքին առավել արդյունավետ մասնակցության համար:
Այդքանով հանդերձ, «Սոցիալական աջակցություն» կուսակցությունը անհաղորդ չի մնացել այս խորհրդարանական ընտրություններին: Մենք ուսումնասիրել ենք բոլոր քաղաքական կազմակերպությունների և ինքնաառաջադրված թեկնածուների գաղափարախոսություններն ու ծրագրերը, որոնցում մրցակցության աճ է նկատվում բոլոր՝ Հայրենիքի ճակատագրով յուրովի մտահոգ քաղաքական կուսակցությունների մոտ:
«Սոցիալական արդարություն» կուսակցության համար, նախընտրական քարոզարշավին մասնակից քաղաքական կազմակերպություններից ավելի հոգեհարազատ է «Արցախի ժողովրդավարական կուսակցությունը»:
Մեզ համար տպավորիչ է նաև այս կուսակցության կողմից գրանցված թեկնածուների ցուցակը: Ես, ինչպես «Սոցիալական արդարության» ղեկավար, կոչ եմ անում Արցախի բոլոր քաղաքացիներին, ովքեր տարիներ ի վեր համակրում են մեր կուսակցությանը, խորհրդարանական ընտրությունների օրը քվեարկել հօգուտ «Արցախի ժողովրդավարական կուսակցության»:
