Ապրիլի 25-ին ՀՀ փաստաբանների պալատում հրավիրվելու է ընդհանուր ժողով: Օրակարգում քննարկվելու է մի հարց. փաստաբանության օրը որոշելու: Ներկայացվել է վեց առաջարկ՝ հունիսի 11՝ փաստաբանների համախմբման օր, գործադուլի, հունիսի 18՝ փաստաբանության օրենքի ընդունման օր, հոկտեմբերի 27՝ երկու պալատների միավորման օր, ապրիլի 25՝ Եղեռնի միջազգային ճանաչմանը նպաստելու օր, նոյեմբերի 9՝ ՀԽՍՀ ժողովրդական կոմիսարների 1921թ. նոյեմբերի 21-ի դեկրետ։
Սոցիալական ցանցերում եւ փաստաբաններին առանձին հարցադրումների ժամանակ գերակշիռ մասը նշում է, որ այդ օրը պետք է լինի հունիսի 11-ը, քանի որ այդ օրը փաստաբանները բողոքի միասնական ցույց կազմակերպեցին ՀՀ վճռաբեկ դատարանի շենքի դիմաց, ապա հայտարարեցին նախազգուշական գործադուլի մասին, դատարաններ չմտնելով, իրենց բողոքն ու գրավոր առաջարկները ներկայացրեցին՝ կապված դատական համակարգի, իրենց իրավունքների հետ: Մասնավորապես, բարձրացվեց նաեւ այն հարցը, թե ինչու է Վճռաբեկ դատարանը, առանց փաստաբանների բողոքները հիմնավորելու, մերժում դրանք քննության առնել:
«Առավոտ» օրաթերթ
24.03.2015
