«Բարգավաճ Հայաստան» կուսակցության պատգամավոր, Միավորված աշխատանքային կուսակցության նախագահ Գուրգեն Արսենյանն այսօր Ծիծեռնակաբերդում Aravot.am-ի հարցին, թե մեր խորհրդարանը Հայոց ցեղասպանության միջազգային ճանաչումն արագացնելու հարցում ի՞նչ անելիքներ ունի, ներկայացրեց իր անձնական տեսակետը:
«Հայաստանի խորհրդարանում Հայոց ցեղասպանության ճանաչման արագացման խնդիր դրված չէ: Հայոց ցեղասպանության ճանաչման կամ չճանաչման արագացման խնդիրը այլ համակարգերի հարթությունում է: Հայաստանի հանրապետության քաղաքականությունն այս ուղղությամբ բավարար է եւ այս բաղադրիչը մաքսիմումի վրա է: Սա իմ կարծիքն է: Մենք մեր աշխատանքները այլ հարցերում պետք է ակտիվացնենք: Երկրի, հասարակության արդյունավետությունը բարձրացնելու խնդրին ուղղությամբ պետք է ավելի շատ ջանքեր գործադրենք: Ցեղասպանությունը հիշատակ է: Պետք է ապրողների համար բարենպաստ պայմաններ ստեղծել: Սա է իմ կարծիքը», – ասաց ԲՀԿ-ական պատգամավորը:
Աշոտ ՀԱԿՈԲՅԱՆ
