Այսօր Ցեղասպանության զոհերի հուշահամալիր հասնելու համար սովորական քաղաքացիները ստիպված էին մի քանի կիլոմետր ոտքով քայլել, որովհետեւ հուշահամալիր տանող երկու ճանապարհները փակ էին ավտոմեքենաների համար: Մինչեւ հուշահամալիր կարող էին բարձրանալ արտոնյալ ավտոմեքենաները, որոնք ունեին ասենք` դիվանագիտական պետհամարանիշ կամ սպասարկում էին բարձրաստիճան պաշտոնյաների:
Երեւանի կոնյակի գործարանի մոտից ոստիկաններն արգելում էին ավտոմեքենաների անցուդարձը եւ ժամը 14-ից հետո թույլատրվեց միայն տարբեր երթուղիների ավտոբուսների բարձրանալ մինչեւ «Հրազդան» տոնավաճառ, որտեղից այդ ավտոբուսները պետք է հուշահամալիրից իջած քաղաքացիներին տեղափոխեին: Ոստիկանների հետ այդ աշխատանքները համակարգում էր Երեւանի քաղաքապետարանի տրանսպորտի վարչության պետ Հենրիկ Նավասարդյանը:
Անգամ արքեպիսկոպոս Նավասարդ Կճոյանն էր Ծիծեռնակաբերդից ոտքով ճամփա ընկել դեպի առաջնորդարան:
Մանրամասները` տեսանյութում
Կարդացեք նաև
Լուսինե ԲՈՒԴԱՂՅԱՆ
