Գերմանիայի խորհրդարանն այսօր հավանության է արժանացրել Հայոց ցեղասպանության մասին բանաձևին եւ 100 տարի առաջ Օսմանյան կայսրությունում 1.5 մլն հայերի զանգվածային սպանությունը որակել է ցեղասպանություն:
Reuters-ը նշել է, որ ցեղասպանություն բառը հատուկ ռեզոնանս ունի Գերմանիայում, որը մեծ ջանքեր է գործադրել ընդունելու Հոլոքոսթի ժամանակ վեց միլիոն հրեաների սպանության համար պատասխանատվությունը:
Հաղորդվում է, որ Բունդեսթագի ստորին պալատի բոլոր խորհրդարանական խմբակցությունները քվեարկել են բանաձևի օգտին. այն ստացել է ձայների ճնշող մեծամասնությունը: Այս փաստը ամենայն հավանականությամբ կհարուցի Թուրքիայի նախագահ Ռեջեփ Էրդողանի վրդովմունքը:
Հիշեցնենք, որ նիստի սկզբում Բունդեսթագի նախագահ Նորբերթ Լամերթը ասել էր. «Բունդեսթագը ուշադրություն է հրավիրում պատմական դեպքերի վրա, որոնք Թուրքիայի եւ Հայաստանի միջեւ հետագա հարաբերությունների վրա հետեւանքներ թողեցին։ Ցեղասպանությունը արժանի է խստագույն պատժի։ Այն բնութագրվում է որպես ազգային, էթնիկ, ռասայական եւ կրոնական խմբի ոչնչացում։ Դա այն է, ինչ տեղի ունեցավ ողջ աշխարհի առաջ։ Եվ դա ցեղասպանություն էր»։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
