Հիմնադիր խորհրդարանի անդամ Գագիկ Սարուխանյանը այսօր չի մասնակցի ի պաշտպանություն քաղբանտարկյալների բողոքի երթին:
Aravot.am-ի հետ զրույցում նա ասաց, որ «Հիմնադիր խորհրդարանի» անդամները ներքին պայմանավորվածություն ունեն` չխախտել լռությունը:
«Հիմնադիր խորհրդարանի» անդամները երեկվանից մինչեւ այսօր երեկոյան լռության ժամ են հայտարարել
«Այսօր 18-ի հանրահավաքին կասենք մեր խոսքը»,- ասաց ազատամարտիկը:
Կարդացեք նաև
Ժիրայր Սեֆիլյանի ու ընկերների ձերբակալությունից հետո «Հիմնադիր խորհրդարանի» մի շարք անդամներ պնդում էին, որ այդ ձերբակալությունները չեն խոչընդոտի, որ իրագործվեն իրենց ծրագրած ակցիաները: Պարոն Սարուխանյանից հետաքրքրվեցինք`ինչու են լռության ժամ հայտարարել, ի՞նչն է խոչընդոտել իրենց ակցիաներն անցկացնելու որոշմանը:
«Մենք հայտարարել ենք, որ ձերբակալումներից հետո, գործընթացը «Հիմնադիր խորհրդարանի» նախանշված ճանապարհային քարտեզով շարունակվելու է, խոսք չկար հենց ապրիլի 24-ի օրվա կապակցությամբ: Դուք հիմա իշխանությունների կեղծ տարածած թելն եք մանում, այսինքն, ապրիլի 24-ի հետ կապված զանգվածային անկարգությունների կապը ուզում եք այդ հարցադրումով բարձրացնեք: Մենք բազմիցս հայտարարել ենք, որ մեր ցանկացած գործողություն պետք է լինի խաղաղ բնույթի: Ապրիլի 24-ի հետ կապված «Հիմնադիր խորհրդարանի» անդամները նման հայտարարություններ չեն արել: Մենք ասել ենք, որ ապրիլի 24-ին երեկոյան 18:00-ին սկսում ենք մի գործընթաց, որը լինելու է սկիզբ իշխանությանը վերջ դնելուն»:
Արփինե ՍԻՄՈՆՅԱՆ
