Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանի ապրիլի 23-ի լիագումար նիստում Եվրախորհրդի մարդու իրավունքների հարցերով հանձնակատար Նիլս Մուժնիեկսը ներկայացրեց իր տարեկան ամփոփիչ զեկույցը:
Փաստաթղթում մի շարք մտահոգություններ են ներկայացված Հայաստանի վերաբերյալ: Մասնավորապես հանձնակատարը մտահոգված է անկախ դատական համակարգի կայացման հարցում գոյություն ունեցող հիմնախնդիրներով: Մտահոգության առարկա դարձած մյուս ոլորտը ՀՀ ոստիկանությունն ու ուժային մյուս մարմիններն են: Նիլս Մուժնիեկսն իր զեկույցում որպես բացասական փաստ մատնանշում է ոստիկանների և ուժային այլ մարմինների կողմից խոշտանգումների իրականացման հարցը:
ԵԽ մարդու իրավունքների հանձնակատարը մտահոգություն է հնչեցնում, որ առաջընթաց չի տեսնում ՀՀ իշխանությունների կողմից՝ 2008-ի մարտի 1-ին հանցագործության բացահայտման հարցում:
Հանձնակատարը ՀՀ իշխանություններին կոչ է անում համապատասխան քայլեր ձեռնարկել կանանց հանրային և պետական կառավարման համակարգում բավարար ընդգրկվածություն ապահովելու և ԶԼՄ-ների ազատության հարցում:
Կարդացեք նաև
Տաթև ՀԱՐՈՒԹՅՈՒՆՅԱՆ
