ԱԺ արտաքին հարաբերությունների հանձնաժողովի նիստում ՀՀԿ պատգամավոր Համլետ Հարությունյանը Զարուհի Փոստանջյանի ներկայացրած Հայոց ցեղասպանության 100-րդ տարելիցի մասին օրենքի նախագծի քննարկման ժամանակ պնդում էր, որ դրա իմաստը չկա ԱԺ հայտարարություն ընդունելու, երբ կա արդեն Համահայկական հռչակագիրը: Իսկ երեկ այդ հայտարարությանը կողմ քվեարկեց:
«Առավոտի» հարցին՝ Դուք ընդդիմանում էիք, ինչո՞ւ այդպես մտքափոխվեցիք, Համլետ Հարությունյանը պատասխանեց. «Որովհետեւ Զարուհին հաշվի առավ մեր դիտողությունները: Այո, սկզբում ասում էի՝ իմաստ չկա, հետո փոխեցինք ամբողջ տեքստը, արդեն հարիր էր, որ կարելի էր անել»: Մենք ճշտեցինք՝ ՀՀԿ-ն Ձեր վրա ճնշո՞ւմ է գործադրել, որ կողմ քվեարկեք՝ Ձեր կարծիքը հաշվի չառնելով, Համլետ Հարությունյանը վստահեցրեց. «Չէ, բոլորովին: Սա միակ բանն է, որ ընդհանուր համաձայնել ենք՝ Զարուհու հետ կապված»:
«Առավոտ» օրաթերթ
22.03.2015
