Գերմանիայի կանցլեր Անգելա Մերկելը աջակցում է այն դիրքորոշմանը, որով 100 տարի առաջ Օսմանյան կայսրությունում հայերի զանգվածային սպանությունների եւ տեղահանումների առնչությամբ կարելի է կիրառել ցեղասպանություն տերմինը: Միեւնույն ժամանակ Գերմանիայի կառավարության ղեկավարը մտավախություն ունի, որ Բեռլինի կողմից այդ տերմինի օգտագործումը կարող է բացասական ազդեցություն ունենալ Հայաստանի եւ Թուրքիայի հաշտեցման գործընթացի վրա:
«Deutsche Welle»-ի փոխանցմամբ, այս մասին երեկ ՔԴԴ/ՔՍԴ խմբակցությունների նիստի ընթացքում ասել է հենց ինքը՝ Անգելա Մերկելը: ՔԴԴ/ՔՍԴ դաշինքը եւ Գերմանիայի Սոցիալ դեմոկրատական կուսակցությունը ծրագրել են ապրիլի 24-ին Հայոց ցեղասպանության 100-րդ տարելիցի կապակցությամբ բանաձեւ ընդունվել:
«Ձեր ճակատագիրը զանգվածային ոչնչացման, էթնիկ մաքրումների, հետապնդումների, անգամ ցեղասպանությունների պատմության օրինակ է, որոնցով սարսափելիորեն աչքի է ընկել 20-րդ դարը»,- նշված է բանաձեւում:
Այդպիսով իշխող կոալիցիան հայերի ճակատագիրը եւ ցեղասպանություն հասկացությունը կապում է իրար, ընդ որում՝ 100 տարի նրանց սպանությունը ուղիղ ձեւով այդ տերմինով չբնորոշելով:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
