Վերաքննիչ քրեական դատարանում ապրիլի 22-ին դատավոր Պետրոսյանի գլխավորությամբ դռնփակ նիստով քննվում է Հիմնադիր խորհրդարանի անդամ Վարուժան Ավետիսյանի նկատմամբ նշանակված առաջին ատյանի դատարանի նշանակած խափանման միջոցի մասին որոշումը:
Փաստաբան Արա Զաքարյանը Aravot.am-ին հայտնեց, որ փաստաբանները դատավորին ինքնաբացարկի միջնորդություն են ներկայացրել, քանի որ նույն դատավորը քննել է նաեւ Գեւորգ Սաֆարյանի գործով բողոքը, ներկայացրել է իր տեսակետը եւ արդեն տվել է հարցերի պատասխանը: Փաստաբանը նկատեց, որ Գեւորգ Սաֆարյանի բողոքը դատավորը մերժել է խորհրդակցական սենյակում հինգ րոպե մնալուց հետո եւ ներկայացրել է մեկ ու կես էջանոց որոշում: Նրա ենթադրությամբ՝ դատավորը նախօրոք է պատրաստել այդ որոշումը:
Դատավորն այժմ խորհրդակցական սենյակում է:
Ապրիլի 20-ին եւ 21-ին վերաքննիչ քրեական դատարանը մերժել էր Հիմնադիր խորհրդարանի հինգ անդամների՝ Ժիրայր Սեֆիլյանի, Արամ Հակոբյանի, Գեւորգ Սաֆարյանի, Պավել Մանուկյանի, Գարեգին Չուգասզյանի գործերով բողոքները:
Կարդացեք նաև
Ամի ՉԻՉԱԿՅԱՆ
