Այսօր Կառավարությունը նիստում փոփոխություններ եւ լրացումներ կատարեց 2013 թվականի նոյեմբերի 21-ի «Որոտանի հիդրոէլեկտրակայանների համալիր» ՓԲԸ-ի գույքի առուվաճառքի պայմանագրին հավանություն տալու մասին» որոշման մեջ՝ այդպիսով հավանություն տալով Որոտան-կասկադի վաճառքին:
Կառավարության նոր որոշմամբ, էներգետիկայի եւ բնական պաշարների նախարարին լիազորություն տրվեց կառավարության անունից ստորագրել նշյալ պայմանագրերը:
Հիշեցնենք, որ «Որոտանի հիդրոէլեկտրակայանների hամալիրի» գնորդն ամերիկյան «Քոնթուր գլոբալ հիդրոկասկադ» ՓԲԸ-ն է: «Որոտանի Հիդրոէլեկտրակայանների Համալիր» ՓԲԸ-ի գույքի առուվաճառքի պայմանագիրը կնքելուց հետո գույքի վերջնական հանձնում տեղի չէր ունեցել եւ գործարքը չէր ավարտվել, քանի որ կողմերը վերսկսել էին բանակցությունները, քննարկել պայմանագրի որոշակի դրույթներ:
Լուսինե ԲՈՒԴԱՂՅԱՆ
