Մարդու իրավունքների եւ խաղաղության ոլորտում միջազգային մրցանակների դափնեկիր, «Հելսինկյան նախաձեռնություն-92»-ի ԼՂՀ կոմիտեի համակարգող, «Սոցիալական արդարություն» կուսակցության նախագահ Կարեն Օհանջանյանից «Առավոտ»-ը հետաքրքրվեց Լեռնային Ղարաբաղում ընթացող նախընտրական քարոզարշավից, մասնավորապես՝ հիշատակեցինք օրերս մի քանի կուսակցությունների կողմից հայտարարությունները, որոնցում ԼՂՀ իշխանություններին մեղադրել էին ճնշումների իրականացման մեջ:
«Ես հասկանում եմ նախընտրական պրոցես մտած նոր կուսակցությունների ձգտումը` ստանալ ցանկալի տոկոսներ խորհրդարան մտնելու համար, որոնք հաճախ դիմում են շանտաժի մեթոդների, զրպարտությունների` դիվիդենդներ շահելու նպատակով, եւ դրանով իսկ փորձում են ընտրողների աչքում հալածյալի կերպար ձեռք բերել, ինչը կարող է նրանց ձայներ ապահովել»,- նշեց Կարեն Օհանջանյանը:
