Դատական նիստերի մասնակիցները, որոնց «ողջամիտ դիտորդ» են կոչվում, սրտատրոփ սպասում են ԱԱԾ նախկին աշխատակից Տիգրան Հովհաննիսյանի ցուցմունքին, որից հետո սպասվում է այլ մարտավարություն:
Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանը հետաձգեց «Բանդա 2-ի գործով» դատական նիստը:
Պատճառը ամբաստանյալ Կարեն Վարդանյանի նոր պաշտպանի՝ Թամարա Բաղդասարյանի դատական նիստին չներկայանալն էր:
Նախորդ նիստին ցուցմունք տվեց 9 ամբաստանյալներից իր մեղքը ընդունած , ԱՆ «Աբովյան» քրեակատարողական հիմնարկի կալանավոր էդիտա Ալիխանյանը:
Կարդացեք նաև
Այս գործով մեղադրվում են Ռաֆայել Հարոյանը, Տիգրան Հովհաննիսյանը, Կարեն Վարդանյանը, Հայկ Կոջոյանը, Մնացական Սարգսյանը, Էդիտա Ալիխանյանը, Գոհար Գաբրիելյանը, Վահե Ստեփանյանն ու ԱԱԾ նախկին աշխատակից Մառլեն Մուրադյանը:
Էդիտա Ալիխանյաննն աշխատել էր «Հայբիզնես » բանկի սպասարկման բաժնում, որպես առաջատար մասնագետ:
Նա նկարագրեց, թե ինչպես է իր ամուսնու՝ Տիգրան Հովհաննիսյանի պարտքերը փակելու համար «գործարքներ» կատարել:
Նա որպես բանկի աշխատակից, հասանելիություն է ունեցել բանկի ավանդատուների ցանկին, ընտրել երկարաժամկետ պայմանագրերը, նշված պայմանագրերի էլեկտրոնային տարբերակները, տվել է պայմանագրի դադարեցում հրահանգը:Ապա՝ պարտքերի մարում հրահանգը, որից հետո ավանդային պայմանագրի գումարը նստել է ավանդատուի ավանդային հաշվի վրա: Այս ամենի մասին ավանդատուն տեղյակ չի եղել:
Ի դեպ, ըստ նրա ցուցմունքի, հաշիվների բացման եւ սպասարկման կարգի համաձայն, չի թույլատրվել փոխանցումներ կատարել, այդ գումարները փոխանցվել են նրա ծանոթների անուններով, նրանց իսկ անուններով բացված հաշիվների վրա:
Ամբաստանյալ Տիգրան Հովհաննիսյանի հետ կապված վկաներից մեկը ցուցմունք էր տվել, թե իմացել է, որ Տիգրանը ծառայում է Ազգային անվտանգության ծառայությունում, եւ նրան զենք է պետք:
Վկան զարմանալով, որ Տիգրանը «Որոշակի չափերով տիրապետելով «հանցավոր լեքսիկոնին» , խոսակցությունների բովանդակություններից հասկացել է, թե զենք է գնում: Նա հարցրել է՝ «ինչ եղավ խաղալիքը», «մեծ խաղալիք», «փոքր խաղալիք» արտահայտություններով:
Բանդայի անդամները մեղադրվում են ավազակային հարձակումներ կատարելու մեջ: Դրանք կատարվել են հիմնականում տարադրամի փոխանակման կետերի վրա:
Այս գործով չի հնչում, չգիտես ինչու, տուժողի՝ Հ. Մկրտչյանի մասին:
Մինչդեռ, ըստ գործի նյութերի, սպանվել էր Բագրատունյաց փողոցի վրա գտնվող տարադրամի փոխանակման կետի աշխատակից Հակոբ Մկրտչյանին, սպանել նրան հրազենով:
Դիմակավորված անձինք մուտք էին գործել տարադրամի փոխանակման կետ, պահանջել գումար, այնուհետեւ կրակել ու ոճրագործի նման դիմել փախուստի:
Ռուզան ՄԻՆԱՍՅԱՆ
