Վաշինգտոն այցի ընթացքում Թուրքիայի արտգործնախարար Մևլութ Չավուշօղլուն հայտարարել է, թե Թուրքիան կիսում է հայերի ցավը, սակայն հրաժարվել է հետևել Եվրախորհրդարանի կոչին և ճանաչել Հայոց ցեղասպանությունը:
Թուրքիան կիսում է հայերի ցավը, թուրքական կողմը հավատում է հայ ժողովրդի հետ երկխոսության միջոցով հարաբերությունների կարգավորման հնարավորությանը, ասաց Չավուշօղլուն՝ ելույթ ունենալով Քարնեգի հաստատությունում:
«Մենք կշարունակենք աշխատել խնդրի պատմական կողմի կարգավորման և միաժամանակ ղարաբաղյան հարցի լուծման ուղղությամբ», – նշեց Թուրքիայի արտգործնախարարը:
Պատասխանելով վերլուծաբան Թոմ դը Վաալի հարցին, որը, բարձրացնելով Հայոց ցեղասպանության խնդիրը, հետաքրքրվեց, թե ինչպես է Թուրքիայի կառավարությունը նախատեսում հայ ժողովրդի հետ հարաբերությունների բարելավմանն ուղղված քայլեր անել, Չավուշօղլուն վստահեցրեց, որ Թուրքիայի իշխանությունները սերտորեն զբաղվում են այդ հարցով դեռ 2009 թվականից, սակայն այս տարի որևէ առաջընթաց չեն կանխատեսում: «Այս տարի Հայաստանի և հայ սփյուռքի ուշադրությունը կենտրոնացած է լինելու աշխարհի հասարակական կարծիքի վրա՝ 1915 թվականի դեպքերի կապակցությամբ», – ասաց Թուրքիայի արտգործնախարարը:
Կարդացեք նաև
Արման Թարջիմանյան
Նյութի մանրամասները կարդացեք «Ամերիկայի Ձայն»-ի կայքում
