Գերմանիայի կառավարությունն այսօր հետ քայլ է արել 100 տարի առաջ Օսմանյան կայսրության կողմից 1.5 միլիոն հայերի ջարդերը ցեղասպանություն անվանել հրաժարվելու քաղաքականությունից:
«Reuters»-ի փոխանցմամբ՝ Եվրոպական միությունում Թուրքիայի գլխավոր առեւտրային գործընկեր եւ միլիոնավոր թուրքերի տուն Գերմանիան միանում է այլ ազգերի, հաստատությունների ու Հռոմի պապին Թուրքիայի նախագահ Ռեջեփ Թայիփ Էրդողանի կողմից դատապարտված տերմինն արտասանելու հարցում:
Գերմանիայի կանցլեր Անգելա Մերկելի մամուլի քարտուղար Շտեֆան Զայբերգն ասել է, որ կառավարությունը կսատարի ուրբաթ օրը Բունդեսթագում իրադարձությունը ցեղասպանության օրինակ հայտարարող բանաձեւի նախագիծը:
Գերմանիան երկար ժամանակ հրաժարվել է ցեղասպանություն տերմինն արտասանելուց, թեեւ Ֆրանսիան եւ այլ երկրներ արել են դա: Բայց կոալիցիոն կառավարությունը ճնշման է ենթարկվել խորհրդարանական խմբակցությունների յուրային պատգամավորների կողմից, որոնք ծրագրում են բանաձեւում օգտագործել ցեղասպանություն բառը:
Կարդացեք նաև
«Կառավարությունը սատարում է բանաձեւի նախագիծը, որում Առաջին համաշխարհային պատերազմում հայերի ճակատագիրը զանգվածային ոչնչացման, էթնիկական զտման եւ 20-րդ դարի ցեղասպանությունների օրինակ է համարվում»,- ասել է Շտեֆան Զայբերգը:
Պատրաստեց Աշոտ ԻՍՐԱԵԼՅԱՆԸ
