Վերաքննիչ քրեական դատարանում դատավոր Մհերի Արղամանյանի նախագահությամբ քննվում է Հիմնադիր խորհրդարանի նախագահ Գարեգին Չուգասզյանի խափանման միջոցի մասին առաջին ատյանի դատարանի որոշումը:
Փաստաբան Գեւորգ Դավթյանը լրագրողների հետ զրույցում հայտնեց, որ փաստաբանական խումբը դատավորին ինքնաբացարկի միջնորդություն է ներկայացրել. «Նույն դատավորը արդեն իսկ որոշում էր կայացրել Պավել Մանուկյանի գործով եւ մերժել է մեր բողոքը: Քանի որ բողոքը եւ հարուցված քրեական գործը հիմնականում փոխկապակցված են եւ գրեթե նույն նյութերն են՝ առանց որեւէ փոփոխության, հետեւաբար՝ եթե մի դատավորն արդեն իսկ իր գնահատականը տվել է Պավել Մանուկյանի գործով, ինչպե՞ս կարող է մյուսի հանդեպ նույն որոշումը չկայացնել: Ըստ էության, դա միանշանակ հիմք է, որ դատական օրենսգրքի համապատասխան հոդվածով ինքնաբացարկի միջնորդություն ներկայացվի: Սկզբից մեր կոլեգան հայտնեց՝ Արա Զաքարյանը, այնուհետեւ՝ մենք էլ միացանք, մեր կարծիքը հայտնեցինք»:
Դատարանը հիմա խորհրդակցական սենյակում է:
Ամի ՉԻՉԱԿՅԱՆ
