Հիմնադիր խորհրդարանի Գյումրու տարածքային կառույցի պատասխանատու Արամ Հակոբյանին օրեր առաջ գրավի դիմաց ազատ էին արձակել: Ապրիլի 20-ին Վերաքննիչ դատարանում նա եւս բողոքարկում էր առաջին ատյանի որոշումը:
Լրագրողների հետ զրույցում նա ասաց, որ բողոքարկել է իմանալու համար, թե ինչո՞ւ է առաջին ատյանի դատարանը որպես խափանման միջոց երկու ամիս կալանք նշանակել. «Ես ցանկանում եմ իմանալ, թե ինչ է հանցանքիս պատճառը, հիմա փաստաբանները այդ հարցով են զբաղված: Ուզում եմ իմանալ՝ հանցագո՞րծ եմ, թե՞ ոչ»:
Նա հավելեց, որ իր համար անհասկանալի է, թե ինչու որոշվեց իրեն գրավի դիմաց ազատ արձակել. «Շատ անհեթեթ էր մեղադրանքը, երեւի թե փաստաբանները քննիչների հետ փոխզիջման գնացին»:
Այս պահին Վերաքննիչ քրեական դատարանը քննում է Արամ Հակոբյանի բողոքը:
Կարդացեք նաև
Մանրամասները՝ շուտով տեսանյութում:
Ամի ՉԻՉԱԿՅԱՆ
