Ապրիլի 20-ին մեկնարկում է Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանը: Այն կանցկացվի ապրիլի 20-ից 24-ը Ստրասբուրգում։
Վեհաժողովը աշխատանքների առաջին օրվա լիագումար նիստին հրատապ քննարկում կհրավիրի Ուկրաինայում՝ քաղաքական և անվտանգության հարցերի վերաբերյալ:
ԵԽԽՎ-ի ուշադրության կենտրոնում կլինեն ահաբեկչության կանխարգելմանն ուղղված հարցեր. մասնավորապես «Իսլամական պետության» ահաբեկչական խմբավորման գործունեության վտանգները, զանգվածային գաղտնալսումը, մարդու իրավունքների և միջազգային իրավունքի պահպանման անհրաժեշտությունը՝ կապված անօդաչու սարքերի օգտագործման և թիրախային սպանությունների հետ։
Վեհաժողովում ելույթով հանդես կգան Բելգիայի արտաքին գործերի նախարար Դիդիե Ռեյնդերսը : Ապրիլի 22-ին Վեհաժողովը կքննարկի Ռուսաստանի պատվիրակության դեմ պատժամիջոցների վերանայման հարցը: ԵԽ մարդու իրավունքների հանձնակատար Նիլս Մուժնիեկսը կներկայացնի 2014-ի տարեկան զեկույցը: Կընթանան նաև ՄԻԵԴ դատավորների ընտրության աշխատանքները:
Կարդացեք նաև
Նշենք, որ թեև Վեհաժողովի աշխատանքների վերջին օրը ապրիլի 24-ն է, սակայն ըստ օրակարգի՝ Հայոց ցեղասպանության վերաբերյալ քննարկում նախատեսված չէ:
Տաթև ՀԱՐՈՒԹՅՈՒՆՅԱՆ
