Այրոցը ոչ թե առանձին հիվանդություն է, այլ տարբեր հիվանդությունների ախտանիշ: Բոլոր նրանք, որոնք ունեն աղեստամոքսային տրակտի հիվանդություններ` ունենում են այրոցի տհաճ զգացողություն, որն առաջանում է կերակրափողի ներքին հատվածում: Այրոցի պատճառ կարող են լինել քրոնիկ գաստրիտը, տասներկումատյա աղիքի խոցը եւ այլն: Այս երեւույթն առաջանում է նաեւ առողջ մարդկանց մոտ, եթե օգտագործում են թունդ ալկոհոլային խմիչք, չափից շատ կծու սննդամթերք, որը լուրջ բուժման կարիք չունի:
Ժողովրդի մեջ ընդունված է այրոցի ժամանակ խմել սոդայաջուր, որը, ըստ բժիշկների` հակացուցված է, քանի որ սոդան միայն մի պահ է հանգստացնում, բայց խնդիրը մնում է, իսկ պարբերաբար սոդայի ընդունումը վնասվում է օրգանիզմը:
Ժողովրդական բժշկությունը խորհուրդ է տալիս դիմել մեղրի հրաշագործ օգնությանը եւ մոռանալ այրոցի մասին 99%-ով: Բուժումը կատարվում է գիշերվա ժամերին` 2:00-4:00-ն ընկած ժամանակահատվածում: Այս ընթացքում պետք է արթնանալ, կուլ տալ 1 թեյի գդալ մեղր եւ քնել: Բուժման կուրսը տեւում է 10-15 օր, եւ կարող եք մոռանալ տհաճ զգացողության եւ սոդայաջրի մասին: Հակացուցված է միայն մեղրից ալերգիա ունեցողներին:
Պատրաստեց ԱՆՈՒՇ ՄԱԹԵՎՈՍՅԱՆԸ
Կարդացեք նաև
«Առավոտ» օրաթերթ
18.03.2015
