«Հայոց ցեղասպանությունը վերապրածի հուշերը» գիրքը կազմած եւ հրապարակության պատրաստած Արթուր Մկրտչյանը այսօր կազմակերպված շնորհանդեսի ժամանակ ներկայացնելով զեյթունցի Մելքոն Մանուկյանի պատմությունը՝ հիշեց նրա հուշագրից մի տող, ըստ որի նրան եւ արաբական ցեղերի մոտ ապաստան գտած հայերին թվացել էր, թե աշխարհում հայ այլեւս գոյություն չունի «որովհետեւ մեր աչքերը տեսան, որ բոլորը կոտորվեցին»:
«Իհարկե, կարդալով հուշագրությունները, դուք նմանություններ կգտնեք տարբեր գրքերում: Ես ինքս այս ընթացքում ուսումնասիրել եմ տարբեր հուշագրություններ: Եվ դա բնական է, որովհետեւ թուրքական ձեռագիրը նույնն էր, նրանք նույն կերպ էին վարվում բոլոր քարավանների հետ եւ շատ նկարագրություններ իսկապես համընկնում են: Իսկ հետագան արդեն այնպիսին է, ինչպիսին այս մարդու ոդիսականը», – ասաց Արթուր Մկրտչյանը:
Աշոտ ՀԱԿՈԲՅԱՆ
