Սույն թվականի ապրիլի 20-ին` ժամը 10:00 -ին, ՀՀ ԳԱԱ նախագահության նիստերի դահլիճում(Բաղրամյան 24, 2-րդ հարկ), տեղի կունենա «Պատմական Հայաստանի գենետիկական քարտեզագրումը» նախագծի շնորհանդեսը: Զեկուցումով հանդես կգա ՀՀ ԳԱԱ Մոլեկուլային կենսաբանության ինստիտուտի Էկոնոմիկայի լաբորատորիայի վարիչ, կենսաբանական գիտությունների դոկտոր, պրոֆեսոր Լևոն Եպիսկոպոսյանը:
Առաջին անգամ կներկայացվեն պատմական Հայաստանի գենետիկական քարտեզագրման արդյունքները: Քարտեզը վերարտադրում է հայկական գենոֆոնդի հարուստ աշխարհագրական խճանկարը, որը ձևավորվել և հազարամյակների ընթացքում բարգավաճել է Հայկական լեռնաշխարհի տարածքում: Հետազոտության կարևորագույն եզրակացություններից մեկն այն է, որ հայերի գենոֆոնդը էական արտաքին գենետիկական ազդեցության չի ենթարկվել` չնայած բազմաթիվ օտարածին ներխուժումների: Ավելին, համաձայն նորագույն տվյալների, հայերի մոտ խառնակում գրեթե տեղի չի ունեցել նախորդ 3000 տարիների ընթացքում:
18.04.2015թ.
Կարդացեք նաև
ՀՀ ԳԱԱ Տեղեկատվական–վերլուծական կենտրոն
