Ապրիլի 19-ին Armenian Navy Band-ի հիմնադիր, աշխարհում որպես «Միսթր Ավանգարդ-ֆոլք» հայտնի Արտո Թունչբոյաջյանը Հայոց Ցեղասպանության 100-րդ տարելիցին նվիրված համերգով հանդես կգա Ալ. Սպենդիարյանի անվան օպերայի եւ բալետի ազգային ակադեմիական թատրոնում: Այդ մասին այսօր «Արմենիա Մարիոթ» հյուրանոցում նշել են համերգի կազմակերպիչները: Համերգին հատուկ հյուրը կլինի Գոռ Սուջյանը:
Արտո Թունչբոյաջյանն ասուլիսում ասել է, որ ցեղասպանությունները ցավոք շարունակվում են, ու ինքն իր համերգի միջոցով ցանկանում է ցույց տալ, թե ուր էինք եւ դեռ ուր պիտի գնանք: Նրա հուզվել էր. «Տիգրանակերտից, Բիթլիսից էդքան մարդի՞կ ինչ եղան, կամ ինչու հասան Կալիֆոռնիա…»:
Իրեն ուղղված հարցին՝ ի՞նչ նշանակություն ունի իր համար Թուրքիայի կողմից Հայոց Ցեղասպանության ճանաչումը, Արտոն պատասխանեց. «Երբ ինձ հարցնում են Ցեղասպանություն եղե՞լ է, ասում եմ՝ քույրիկ ջան, ճիշտը ասեմ՝ իրար հետ բա՞նտ գնանք, թե՞ մի հատ սուտ ասեմ, գնանք սուրճ խմենք: Մեր ցավը մեզ վնաս է տվել, խանգարել, բայց պետք է կարողանանք աշխարհին ասենք, որ մարդկանց մտքերը պետք է փոխվեն, ցեղասպանություններ էլ չլինեն՝ դա իմ երազանքն է»:
Ասուլիսի վերջում Արտո Թունչբոյաջյանը երգեց լրագրողների համար:
Կարդացեք նաև
Գոհար ՀԱԿՈԲՅԱՆ
